مزيكا بــــوكس
اهلا وسهلا بكم اخوانى واخواتى فى منتدى مزيكا بوكس

مزيكا بــــوكس


 
الرئيسيةالرئيسية  بحـثبحـث  التسجيلالتسجيل  دخولدخول  

شاطر | 
 

 تنتخبى مين ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير
admin
admin
avatar

العمر : 29

مُساهمةموضوع: تنتخبى مين ؟؟؟    الأربعاء 6 يونيو 2012 - 14:43

تنتخبى مين يا لفيف
أنتخبه واحد نحيف
الفطار والغدا ربع الرغيف
والعشا بينام خفيف
انا من الفلول
كل يوم باديها فول
وأ قراص فلافل حلوة طازة
وعيش يجنن كله طوب
كمان اقول
او ممكن
يبقى غول
من الفلول
يشخط ينطر
يحكم يأمر
جامد متين
مش مستكين
يقول شمال
يقول يمين
لو الدماغ ناقصها فص
و قالى هس
هاقوله بص
لو تحمرق
او تبشرق
ليمان طرة
هو أحسن الحلول
وانت جاهز من الفلول
تخاف تكش
فى الحقوق أنك تغش
و تنسى وعدك
تدينى عش
هتتقلش يا حلو
وش
وانت جاهز من الفلول
انا نفسى اقول
ان الكلام عايزينه فعل
مش وعود فى الضلمة
عادلة
يجى نور
تبقى ظالمه
و تتخرب منا المعادلة
ولما اقول يا ابن الفلول
فينه حقى
تقولى عايزاة وش والا نعل
خلى بالك
انا من النظام اللى فات
بيقولو صاحى مع انه مات
والجديد
جاى من بعيد
هو عبد
والشعب سيد
ايه انجازاته
انه ذاته
والدين عصاه
للى عصاه
جامد قوى
بيشيل حديد
والتانى جاى
وياه رابابه وعود وناى
وقصص غناوى
على العدل ناوى
ياخد من الغنى
يدى الفقير
وبيوعد الغلابه
ان بكرة معاه
الخير كتير
وانت بقى
لما الواد
ثار وبكى
قلت أسكته
ببسكوت وبيبيسى
وبلح من غير نوى
و رفضوا الدوا
وقالوا ده من الفلول
ومبياكلش حتى فول
وجناحاته جايباله عار
قصقصوله ريشه
وقع ما طار
قبل ما يوقع قرار
هتفو قالو راح وغار
ولسه مش عارفه
مين هتنتخب لفيف ؟؟؟؟؟؟

20 / 5 / 2012

ــــــــــــــــــــ
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://mohamedkhalifa.rigala.net
 
تنتخبى مين ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مزيكا بــــوكس :: المنتدى الادبى :: الشعر العامى-
انتقل الى: